自虐的生存模式

我現在經常會說“人生是超好玩的”.

自從我開始應用ColourFool進行認知治療後,我清楚的看到我們(人類和動物)為了生存,創造了各式各樣的生存模式,而這些生存模式,很多都並非理性能夠理解的,例如:

1)有女友老是喜歡跟男友吵架,發現原來這樣能夠換來男友的緊張和擔心,所以經常無理地跟男友吵架.
2)有老人家無論戶口有多少錢,也要去執紙皮鋁罐賣錢,原來這樣的自己才有存在價值.
3)有人會長期處於緊張狀態,不能放鬆,原來他覺得放鬆會有危險,緊張才覺得安全.
4)也有人財來財去不聚財,原來錢對於他是萬惡的,擁有太多會有麻煩,只有沒多餘錢才是安全.
...還有很多各式各樣的~

而所有的模式,其實都沒有對或錯,這是因為它們的出現,都是我們為了繼續生存而創造出來的,所以,從另一個角度看,這些模式,是幫助我們生存的.

雖然如此,有些模式並不會永遠適用的,以例(1)來講,當想要和男友組織家庭時,若繼續無理地吵架,終會破壞雙方關係的;所以,當生存模式不再適用時,我們還繼續用它的話,結果便會帶來痛苦,甚至破壞整個人生,所以,適時的調整,是非常有必要的.

以下是我的ColourFool治療節錄,為了保留原汁原味,我以白話直接表達:

治療原因 – 處理/找出自己唔比自己好既原因

首先係發現到當我唔比自己好既時候,其實背後係有逃避同埋self-pity既動機,呢d動機既情緒,可以追溯返去我小時候既畫面(自己一個人坐晌床角非常凄凉咁喊,當時並唔係因為比阿媽打緊)覺得無人對自己好,好淒涼,好多點解點解,無人錫自己,所以坐埋一邊自怨自憐咁發洩狂喊,打自己,打心口咁喊,覺得要打死自己先得咁,而一直咁喊,可以讓我暫時逃避面對問題.

晌喊既時候,我感覺到其實個肺一路都無入空氣,吸一啖就可以喊好耐好耐,情形就好似自己係個氣球咁,噤住自己條氣管,唔比自己吸氣,直到我真係唔夠氣既時候,先至比自己吸啖氣,然後繼續喊,呢種狀態,係要折磨自己.

但好奇既係,我又唔會比自己真係死左去喎,總之就係整死下自己,救一下自己咁.

咁打唔死自己,我又會覺得自己好無用,唔死都唔得,所以就更加要將自己折磨,折磨到好似自己食嘢咁,趙到爛晒碎晒都唔停,因為好憎自己,要將自己打爛.

之後,又會覺得自己爛到成堆渣滓咁,更加覺得渣滓(自己)無用,所以要再用力打爛自己,不斷咁毀滅自己,直到灰飛煙滅.

雖然我係狂喊、唔比自己呼吸、摙死自己、打死自己、打爛自己…,但整個過程,我既情緒係:hahahahaha,由個心開心興奮到笑出黎(唔識形容既喪笑);晌呢個喪笑入面,原來我得到了很大的成功感、滿足感、有目標、有方向、有力量、超開心快樂…(超變態).

睇到呢度,我終於明白到點解我一路以來唔比自己好,因為呢個模式為我帶來太大既gain了,我只需要唔比自己好,甚至唔需要努力,就可以為自己帶來好大既成功感、滿足感、有目標、有方向、有力量、超開心快樂…,真係超著數.

最後,當我認知左呢個扭曲我整個人生價值的模式時,原本晌喉輪出現既紅疹、痕癢和紅腫,即時消退了80%.而胸口長期有頂住度氣的狀況,也即時暢通返.我感覺到長期用力摙住自己喉嚨的雙手,終於放左落黎,所以我雙手感到前所未有的疲累和酸軟,亦非常索氣,我諗,我都真係好用力同自己搏鬥喎.

此外,我亦aware到我一直感受唔到大家所講既開心快樂,係因為我晌自虐時感到既實在太太太開心喇,所以佢地所講既開心快樂,對我來講就變得唔好笑喇...不過而家每次諗返起自己呢d模式,就覺得超好笑囉~哈哈哈哈哈哈~

經過這次ColourFool治療之後,我整個人比以前積極,呼吸順了,也能夠放鬆及感受到快樂,更提醒了我這個模式有可能以其他類似的樣子出現在我別的問題上,所以這對我往後的生活非常有幫助.

透過以上ColourFool治療例子,可以看到這是一個非常triggy的生存模式,很不合邏輯,但它卻是serve了我幾十年的生存模式,並讓我一直覺得自己很alright呢,因為,假設我“唔比自己好”背後只有self-pity和傷害自己的話,我早就死了.

那甚麼是合乎邏輯的生存模式呢?例子有:手碰到火,身體感到痛,心裡感到驚恐,手立即縮開,避開火的燃燒.這便會是最簡單合邏緝的一種;但由於人類要面對的實在太多太複雜了,所以才會創造一些難以理解的生存模式.

最後,我也發現到,其實每個人最少都有一個自虐的生存模式,所以“人生是超好玩的”,你有興趣發掘它們,了解它們嗎?

P.S.: 非常感謝Cornelius老師為我進行上面的ColourFool治療,因為沒有他的幫忙,相信我獨自一人是無法完成的.

Did you like this? Share it:

Leave a comment